Йошкар-Ола «Пеледыш пайремын» 100 ияш лӱмгечыжым палемдаш тӱҥалеш
Йошкар-Ола «Пеледыш пайремын» 100 ияш лӱмгечыжым палемдаш тӱҥалеш. Рӱдӧ олаштына 17-ше июньын «Пеледыш пайрем» россий кӱкшытан калыкле пайрем лиеш. Тудым шемерын калыкле кечыже семын увертарымылан 100 ий темеш. Пеледыш пайремым юмынйӱла дене кылдалтше «Агавайрем» ден «Семыкым» вашталташ манын ыштыме да шошо-кеҥежым пӱртӱсын уэш ылыжмыжым ончыкта. Кодшо ийын Пайрем Кугыжаныш статусым налын,- увертара тӱвыра министерстве. Оласе калыкым да уна- влакым кумда программе вуча. Пайремлымаш 16-шо числан кастене «Келшымаш кас» дене тӱҥалеш. Тушто шке усталыкыштым Российын кундемлаже гыч толшо усталык коллективышт да калык ден эстрада мурым мурышо- влак ончыктат. Тӱҥ мероприятий- влак 17-ше июньын эртат. Йӱла почеш Пеледыш пайремым Тумер аланыште «Агавайрем» йӱла пайрем почеш. Вара калыкын пайрем канымашыже тӱҥалеш. Нуно 9 площадкыште эртат. Унам вашлийме таҥошкылмаш йӱла республикысе чыла район да Российысе 15 кундем гыч еҥ- влакым уша. Гармоньчо- влакын фестивальышт, этноспорт, калыкле спорт модмаш, фольклор, вокал да куштымаш коллектив- влакын выступленийышт, Марий кудо, этномода да моло мероприятий- влак лийыт. Патриарший площадьыштат кастене пайрем программе вуча. «Пеледыш» этнодискотеке да марий режиссёр Денис Шаблийын «Йыван огыл але кузе патырым кидыш туныкташ» видеофильмжым ончыктымаш дене мучашлалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
