Марий Элым вуйлатыше Йошкар-Олаште медицина пашаеҥ- влаклан монументым почын
Марий Элым вуйлатыше Йошкар-Олаште медицина пашаеҥ- влаклан монументым почын. Тӱрлӧ жапысе медицина пашаеҥ- влаклан монументым Йошкар-Оласе медицина колледж воктене вераҥдыме. Тудым торжественно почмаште Республикым вуйлатыше Юрий Зайцев лийын. Тудо палемден: республикыште тиде кӱлешан профессийлан пӧлеклалтше икымше чапкӱ. 19-ше курымышто земство- влакым ыштыме годым, 20-шо курымышто граждан сар да Кугу ачамланде сар жапыште республикысе медицина пашаеҥ- влак шке профессионал порысыштым кӱлеш семын шуктеныт. Кеч-могай жапыштат нуно передовойышто лийыныт. Шарнеда: пандемий годым могай неле ыле, ме пырля кредалынна, ковид мутшо колымаш мут дене икте ыле. Врач- влак колымаш лӱдыкшым ончыде, еҥ- влаклан полшеныт. Тиде чапкӱ- тендан пашадам аклымаш, калыкын тазалыкше верч шуктымо поро пашаланда ак,- каласен Юрий Зайцев. Монументым скульптор- влак- Российын да Марий Элын сулло сӱретчыже- влак Анатолий Васильевич ден Галина Петровна Медведевмыт ыштеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
