Эртыше шуматкечын чыла районыштат Пеледыш пайрем эртен

Эртыше шуматкечын чыла районыштат Пеледыш пайрем эртен
            Эртыше шуматкечын чыла районыштат Пеледыш пайрем эртен. Куженер районысо пайремыште икымше классыш тунемаш каяш ямдылалтше- влаклан 370 метрыш куржталмаш эртен. Тудо рӱдӧ посёлкысо тӱҥ стадионын куржталме корныштыжо лийын. Корнышко 19 рвезе ден 19 ӱдыр лектыныт. Чыла участникым шере пӧлек дене сийленыт. Тыгак район администрацийын самырык политике да спорт пӧлкажын грамотыжым да шарнымашан значокым кучыктымо. Сеҥышыш Руш Шойысо «Золушка» йоча сад гыч Есения Крылова ден Артём Градов лектыныт. Кокымшо верым «Колосок» йоча сад гыч Злата Иванова ден Руш Шой гыч Максим Алексеев налыныт. Кумшо вер Токтай Беляк гыч Мария Ельмекеева ден Йошкар-Ола гыч Егор Шабалинлан логалын.
          Фото: Куженер район администраций.

Прошлые выпуски