Пӧтъял школын школ лесничествыже лиеш

Ялысе школышто тунемше- влак янлыкын, вольыкын да кушкылын экологийжым шымлаш тӱҥалыт. Волжский районысо Пӧтъял школышто школ лесничествым ышташ йӧн лектын. У оборудований экологий дене ешартыш шинчымашым пуаш у вер- влакым ышташ полша. Вес семын каласаш гын, школ негызеш школ лесничествым почыт. Тыгеже тунемше- влак «Чодыра янлыкын экологийже», «Чодыра кушкылын экологийже», «Чодырам аралымаш» корно дене шымлыме пашам эртараш тӱҥалыт. Школьник- влак шке пашаштым шымлыме пашан Российысе конкурслашкыже колтен кертыт. Йошкар-Оласе эколого-биологий рӱдерын специалистышт полшымо дене тунемме программе- влакым ямдылат, онлайн-занятий- влакым эртарат, дистанций гыч слётыш чумыргат.

Прошлые выпуски