Марий Элыш 22 ИВЛ аппарат толын

Марий Элыш 22 ИВЛ аппарат толын. Республикысе оперативный штабын заседанийыштыже тазалыкаралтыш министрын алмаштышыже Татьяна Королёва кызытсе жаплан КОВИД-19 чер нерген каласкален. Тудо палемден: коронавирус дене черле- влакым эмлаш 620 койкым ямдылыме. Тушечын 44 утла процентше гына кучылталтеш. Тӱҥ шотышто пневмоний диагнозым шындат. ИВЛ аппаратыште улшо- влакын тӧрланаш тӱҥалмышт коеш. Пытартыш жапыште нелын черланыше- влакым кондат. Нунын чотышт 30 процентыш шуэш. Тыгак министрын алмаштышыже кучылтдымо койко- влакым шочмо гыч 85-лан шагалемдаш темлен. 620 койко гыч 59-ыштыже ИВЛ аппарат уло. Кодшо кечылаште эше 22 аппаратым кондымо, август мучаш марте эше 43 толшаш. Российын тазалыкаралтыш министерствыжын увертарымыж почеш, Китайыште ыштыме эше 10 ИВЛ-ым яра пуат. Пандемий тӱҥалме годсек 89 аппарат толеш. Тыге медтехнике парк ятырлан уэмеш. 17-ше август гыч черланыше але черле- влак дене пашам ыштыше врач- влакын кокымшо тӱшкашт санаторийыш реабилитацийыш кая. Республикым вуйлатыше вакцинацийлан кузе ямдылалтме нерген йодын. Тыгак тазалыкаралтыш министерстве план почеш эмлыме верыш возаш ямдылалтше- влакым тестироватлыме пашам умбакыже шуйышаш. Тиддеч посна Ковид дене черле-влакым эмлаш келыштарыме медицина организаций- влакын пӧлкашт шке профильышт дене пашашке пӧртылаш тӱналшаш улыт.

Прошлые выпуски