Прокуратура азарт модмашым ыштыше- влаклан титаклымашым пеҥгыдемден
Прокуратура азарт модмашым ыштыше- влаклан титаклымашым пеҥгыдемден. Марий Элын прокуроржын алмаштышыже Йошкар-Олаште закондымын модмашым чумырышо 33 гыч 39 ияш марте преступный группын ныл еҥжылан уголовный паша почеш титаклымашым пеҥгыдемден. Ведомствын пресс-службыжын увертарымыж почеш, нуно модмо оборудованийым кучылтын, азарт модмашым модмо зона деч ӧрдыжтӧ эртареныт. Тидлан нуно пӧлемым арендыш налыныт да кафе семын ыштеныт. Туштак модмо ӱстелым, картым, покер дене модаш фишкым вераҥденыт. Карт дене модашлан модшо- влак ончылгоч кум тӱжем теҥге деч шагал огыл оксам тӱленыт. Пурышо парышым осал пашам ыштыше тӱшка шке коклаштышт пайленыт. Чот шолып модышым эртарымылан кӧра, закондымо паша ик идалык утла шуйнен. Вара правам аралыше орган- влак пален налыныт. Титаклыме иктешлымашым кучыктымо деч вара уголовный пашам Йошкар-Оласе судыш колтымо лиеш.
