Рӱдӧ олаштына ийготыш шудымо кум рвезым машина руль воктене кученыт
Рӱдӧ олаштына ийготыш шудымо кум рвезым машина руль воктене кученыт. Эртыше каныш кечылаште ГИБДД инспектор- влак корно правилым пудыртен руль воктеке шичше рвезе- влакым чареныт. Дежурный частьыш шкенжым кӱлеш семын кучыдымо водитель нерген увер шуматкечыш йӱдым пурен. Карл Либкнехт уремысе кудывечылаште еҥ- влак «ВАЗ-1111» машинам ужыныт. Автомобильым 16 ияш рвезе виктарен. Тудым полиций пӧлкаш кондымо. Тудын да аваже шотышто административный протоколым возымо. Шуматкечын эрдене Луначарский уремыште «ВАЗ» зданийыш миен керылтын. Руль воктене 17 ияш рвезе лийын, воктеныже машина оза улмаш. Ийготыш шудымо виктарен сеҥен огыл да ДТП-м ыштен. Нарушитель шотышто административный материалым возымо. Лишыл жапыште машина озажат правадыме еҥлан виктараш пуымыжлан мутым кучаш тӱҥалеш, рвезын ача-аважымат ответственность вуча. Рушарнян эрдене Кремль уремыште автоинспектор- влак 16 ияш рвезын виктарыме иномаркым чареныт. Тудын пелен машина озажат лийын. Когыньышт да ача-аваже шотыштат административный материалым возымо.
Фото: ГИБДД виктем.
Фото: ГИБДД виктем.
