Рӱдӧ олаштына кокымшо Марий книга фестиваль лиеш

Рӱдӧ олаштына кокымшо Марий книга фестиваль лиеш
               Рӱдӧ олаштына 7-ше гыч 9-ше август марте кокымшо Марий книга фестиваль лиеш. Тудын темыже- «Пырля лудына- ик ой дене илена». Тушто книгам савыктыше- влакын литературыштым ончыктымаш да ужалымаш, книга рынкын могайрак улмыжо нерген паша дискуссий, у савыктыш- влакын презентацийышт лийыт. Тӱҥ паша событийже семын «Книгам савыктымаш да тудым шаркалымаш» теме дене йыргешке ӱстел эрта. Ончер-ужалкалымаште  Татарстанын, Башкортостанын, Чувашийын, Мордовийын, Удмуртийын, Комин, Киров ден Рязань областьлан представительышт , тыгак Моско, Санкт-Петербург, Минск гыч издательстве- влак лйиыт. Тӱвыра программыште «Какшан воктене мурена» регион- влак кӱкшытан автор муро да поэзий фестиваль лиеш. Концертыште марий, руш да татар йылме дене произведений-влак йоҥгат. Фестиваль кышкарыштак «Ончыко» журналлан 100 ий теммылан пӧлеклалтше мероприятий- влак эртат. Тений тыгак «Фестивальын эн сай книгаже» конкурсышто сеҥыше- влакым увертарат.
          Фото: Павел Стариков /Кидшер.

Прошлые выпуски