Рӱдӧ олаштына кокымшо номеран йочам эмлыме верын у поликлиникыжым умбакыже нӧлтат

Рӱдӧ олаштына кокымшо номеран йочам эмлыме верын у поликлиникыжым умбакыже нӧлтат
               «Первичный звеном модернизироватлымаш» регионысо программе почеш рӱдӧ олаштына кокымшо номеран йочам эмлыме верын у поликлиникыжым умбакыже чоҥат. Медицина тӧнеж «РосСтройКонтроль» виктемын инспекторжо- влак тергыме дене нӧлталтеш да ик сменыште 500 еҥым приниматлен кертеш. 1990-шо ийла гыч тудо Свердлов уремыште ончычсо йоча сад зданийыште верланен. Но тудо олмыктымым вуча, кызытсе медицина стандартын йодмыжлан келшен ок тол да ешаралт шогышо йоча- влакым обслуживатлен ок сеҥе. Куд тӱжем утла квадрат метр утла кумдыкан, ныл пачашан у зданий Машиностроитель уремысе «Интеграл» микрорайонышто чоҥалтеш да сменыште 500 еҥлан мияш келыштаралтеш.- каласкален РосСтройКонтрольын генеральный директоржо Владимир Щербинин. Поликлиникыште травматологий, рентгенодиагностике, физиотерапевт, эндоскопий пӧлка- влак, кечывалымсе стационар лийыт. Тыгак ЛФК пӧлка, дистанционно-консультаций рӱдер, УЗИ, ЭКГ, эхокардиографий кабинет- влак да молат лийыт. А каныш да пайрем кечылаште поликлинике вашке полышым пуаш тӱналеш. Воктене кок парковко, пеледыш йыраҥ да йоча- влаклан модмо вер ышталтыт. Объект кызыт 27 утла процентлан ямде.
         Фото: РосСтройКонтроль

Прошлые выпуски