Марий Элыште туризмым вияҥдымаш у кӱкшытыш лектеш
Марий Элыште туризмым вияҥдымаш у кӱкшытыш лектеш: «ТТ-Трэвел» компаний дене стратергий соглашенийым пеҥгыдемдыме. Марий Элым вуйлатыше Москош паша дее мийымыже годым «Путешествуй!» Тӱнямбал турист форумышто участвоватлен. Юрий Зайцев ден «ТТ-Трэвел» ушемын генеральный директоржо Владимир Рубцов вашкыл шотышто ойпидышым кылденыт. Документ республикын турист куатшым вияҥдаш, республикым утларак палаш лийшым ышташ да турист- влакым ешараш виктаралтын. Соглашенийым пеҥгыдемдыме годым Федераций Советым вуйлатышын алмаштышыже Константин Косачёв ден Федераций Советын оборона да лӱдыкшыдымылк шотышто комитетшым вуйлатышын алмаштышыже Сергей Мартынов лийыныт.
Юрий Зайцев каласен: кум ийыште республикыш турист- влак 30 процентлан шукырак толаш тӱҥалыныт. Тенийсе вич тылзыште гына 360 тӱжем еҥ толын каен. Туроператор дене кылым кучымаш тиде пашам эшеат саемден колташ полша. Марий Эл Россий да Тӱнямбал рейтинг- влакын топ-листышкышт ӱшанлын пура: Россий мучко ТОП-5 турыш, кошташлан ТОП-10 у направленийлаште ончыкталтеш, Марий Элысе санаторий- влак кеҥеж канышлан келшыше ТОП-5 радамыш, Шереметев замок- элын эн сылне ТОП-30 верлашке, Йошкар-Ола Российысе ойыртематше ТОП-10 маршрутлаште верым налыт. Тиддеч посна кодшо ийын Марий Эл туризм аланыште профессионал мастарлык дене лу эн сай регион коклаш пурен да туризмым йот эллаш шарен колтымо шотышто Дискавер Раша федерал программыште участвоватла. Республикыште турист кундемлам вияҥдыме комплексный мастер-план шыҥдаралтеш. Тудо туриндустрийын чыла аспектшымат авалта: инфраструктурым, транспортым, унагудым да канышым. Планыш 12 флагман проект, 32 писын шыҥдарыме тӱҥалтыш, кужу жаплан ыштыме 42 проект пурат.
Фото: Марий Элым вуйлатышын администрацийжын увер дене пашам ыштыше пӧлкаже.
Юрий Зайцев каласен: кум ийыште республикыш турист- влак 30 процентлан шукырак толаш тӱҥалыныт. Тенийсе вич тылзыште гына 360 тӱжем еҥ толын каен. Туроператор дене кылым кучымаш тиде пашам эшеат саемден колташ полша. Марий Эл Россий да Тӱнямбал рейтинг- влакын топ-листышкышт ӱшанлын пура: Россий мучко ТОП-5 турыш, кошташлан ТОП-10 у направленийлаште ончыкталтеш, Марий Элысе санаторий- влак кеҥеж канышлан келшыше ТОП-5 радамыш, Шереметев замок- элын эн сылне ТОП-30 верлашке, Йошкар-Ола Российысе ойыртематше ТОП-10 маршрутлаште верым налыт. Тиддеч посна кодшо ийын Марий Эл туризм аланыште профессионал мастарлык дене лу эн сай регион коклаш пурен да туризмым йот эллаш шарен колтымо шотышто Дискавер Раша федерал программыште участвоватла. Республикыште турист кундемлам вияҥдыме комплексный мастер-план шыҥдаралтеш. Тудо туриндустрийын чыла аспектшымат авалта: инфраструктурым, транспортым, унагудым да канышым. Планыш 12 флагман проект, 32 писын шыҥдарыме тӱҥалтыш, кужу жаплан ыштыме 42 проект пурат.
Фото: Марий Элым вуйлатышын администрацийжын увер дене пашам ыштыше пӧлкаже.
