«Марий АССР кундемыште 1941-ше- 1945-ше ийлаште салтак- влакым тойымо шӱгар-шамыч» справочник дене пашам ыштен пытарыме
«Марий АССР кундемыште 1941-ше- 1945-ше ийлаште салтак- влакым тойымо шӱгар-шамыч» справочник дене пашам ыштен пытарыме. Республикынн сарзе комиссариатшын да «Шарнымаш книган» ончыктымышт почеш Кугу Ачамланде сар ийлаште мемнан регион кундемыште тӱжемат 578 салтак ден командирым тойымо. Тушечын 150-же мемнан землякна улыт. Оборона министерствын архив документлаже дене пашам ыштыме годым кок тӱжемат 713 салтакым тойымым документ дене пеҥгыдемден ончыктымо, 214-ше республикын шочшыжо улыт,- каласен «Демос» кычалше отрядым вуйлатыше Дмитрий Шипунов. Уэш рашемдыме тӱжемат 135 салтак гыч ятырже шке кундемыштышт увер деч посна йомшылан шотлалтыныт. Справочник кажне шӱгар нерген историй справкым, тойымо- влакын спискыштым ончыкта. Тушко колымо кечыштым, уло гын адресыштым, тойымо верын фотосӱретыштым пуртымо. Книга «Марий мландын палыдыме геройжо- влак» проект кышкарыште «Поро Марий Эл» фондын грантше кӱшеш савыкталтеш. Проект Президент Грант Фондын полшымыжо да оксаже дене шыҥдаралтеш.
Фото: МариМедиа.
Фото: МариМедиа.
