Марий чодыран унаже- влаклан кушкыла лекшашым ончыктат

Марий чодыран унаже- влаклан кушкыла лекшашым ончыктат
              Марий чодыран унаже- влаклан кушкыла лекшашым ончыктат. «Стрелке- влак- чодыра гыч лекмаш» поро кумыл проектын участникше- влак шке кӱлешан пашаштым умбакыже шуят. Кодшо ийын нуно корным йомдарыше- влаклан 200 утла указательым вераҥденыт ыле. Кызыт команде ондак пижыктыме да тоштемше пу табличке- влак олмыкташ да уэмдаш шона. Кодшо ийын марий аварийно-утарыше службын кычалаш лекме верже да чотшылан эҥертен, команде Медведево районысо чодырашке икмыняр могырыш лекташ палемден. Тиде район ончычсо семынак корным йомдарыше- влакын чотышт дене ончылно кая. Проблеманлан Шап да Кучко ял кумдык, Силикатный посёлкын касвел могыр чодыраже шотлалтыт. Кучко кундемыште кодшо ийын шыжым стрелке- влакым тергыме да ешарен вераҥдыме. Кызытеш лектышым аклаш эр. Шапыште ситуаций раш: тудым волонтёр- влак шыжым пален налыныт - чодыра гыч лекме тӱҥ корным вӱдумдыр- влак вӱдым пӱялен, корным вӱд йымалан коденыт. Тушко уэш миен, вес могыр гыч лекташ указатель- влакым вераҥдаш тӱкна. Кокытеланымашым лукшо корнывожлаште ешартыш стрелке- влакын вераҥдыман. Тиде пашам июльышто шуктена,- каласен проектым вуйлатыше Николай Борисов. Силикатный кундем ондак сводкылаш пурен огыл. Сандене тушто  указателят лийын огыл. Таир ер, Звенигово районысо чодыраш калык шуко коштеш. Пытартышышкыже поснак Чувашийысе калык шуко толеш. Республике мучко кызытеш 225 указательым вераҥдыме, а Татарстаныште, мутлан, 279-ым. Икымше стрелке- влакым кандаш ий ончычак вераҥдыме. Сандене нуным уэмдаш кӱлеш.
          Фото: «Стрелке- чодыра гыч лекме корно» проект командын пресс-рӱдерже.

Прошлые выпуски