Автономно коштын кертше троллейбус- влакым тестироватлен пытареныт

Автономно коштын кертше троллейбус- влакым тестироватлен пытареныт
                 Кужу корным автономно коштын кертше троллейбус- влакым тестироватлен пытареныт. 2021-ше ийыште лукмо машина 14-ше март гыч 31-ше май марте рӱдӧ олаште да ола воктене тергыме шот дене коштын. Тергымаш Республикын правительствыже да «КамАЗ» ПАО коклаште кылдыме негызеш эртаралтын. Тиде жапыште троллейбус оласе контакт сеть улман икымше, кудымшо да кандашымше маршрутлаште, аккумулятор полшымо дене аэропортыш, Новый ден Руэм посёлкылаш, Семёновкыш, тыгак сетьдыме микрорайонлаш коштын. «Троллейбус транспорт» предприятийыште палемденыт: троллейбус чыла шындыме задачым куштылгын шуктен, тыгак троллейбус парк деч аэропорт марте да мӧҥгешла 15 меҥгым эртен. Тиддеч ончыч машинам 2022-шо да 2023-шо ийлаште Санкт- Петербургышто тергеныт, тиддеч вара ситыдымаш- влакым кораҥденыт. Кызыт Марий Эл Правительстве дене пырля лишыл ик ийыште тыгай 20 троллейбусым предприятийын паркшым уэмдаш налаш йодыш каҥашалтеш.
           Фото: ВНД.

Прошлые выпуски