Регион- влак кокласе кӱкшытан «Келшымаш тулото» йоча фестиваль Марий Эл, Татарстан да Киров область гыч йоча- влакым чумырен
Регион- влак кокласе кӱкшытан «Келшымаш тулото» йоча фестиваль Марий Эл, Татарстан да Киров область гыч йоча- влакым чумырен. Татарстан республикысе Балтаси районышто 58-ше гына «Келшымаш тулотым» ылыжтыме. Марий Турек районын икоян делегацийжым район администрацийым вуйлатыше Сергей Решетов виктарен да шкежат мероприятийлаште чолган участвоватлен. Делегаций- влак икте- весыштым муро куштымаш дене саламленыт, шарнымашан пӧлек- влакым вашла пӧлекленыт. Фестиваль радамыште тулотын летопись- фотоалбомжым пуымо. Тудо шуко ияш историйым да мероприятийын йӱлаже- влакым ончыкта. Участник- влак пырля ушымо 12 отрядлан шеалатыныт. Кажныштыже кум регион гыч ӱдыр-рвезе- влак лийыныт. Кажне отряд тӱшка-усталык проектыште участвоватлен: тунемше- влак конкурслаште моштымашыштым ончыктеныт, театр постановкым шынденыт, муреныт, куштеныт, шке кундемысе йӱла да тӱвырашт нерген каласкаленыт. Усталык мероприятий деч посна, спорт таҥасымаш, дискотека, мучашлан тулото воктене чеверласыме гимн йоҥген.
Фото: Единый Россий.
Фото: Единый Россий.
