Республикыште «60+» комплексный программе шыҥдаралтеш

Марий Элыште 60 процент марте тоштемше коммунал инфраструктурым уэмдыме шотышто Россий минстройын проектшым шыҥдарыме лиеш. Тидын шотышто Александр Евстифеев министройым вуйлатыше Владимир Якушев дене эртарыме совещанийыште «60+» комплексный программе дене палдарен. Программышке ушнашлан историй шотан, 1583-шо ийыште негызлыме Козьмодемьянск олам ойырен налме. Тудо турист- влаклан сайын палыме. Идалык еда тушко 100 тӱжем наре турист толын кая, кок тӱжем наре экскурсий эртаралтеш. Тушто 150 утла памятник уло. Тушечын 40-же республике, 12-шо федерал значениян улыт. Турист-влакым эшеат шукырак кумылаҥдаш коммунал инфраструктурын начар улымжо чаракым ышта. Ола Чебоксар вӱдаралтыш кундемыште верланен. Сандене шошым тудын ужашыжым вӱд налеш. Вӱдым ситарыме да йоктарен колтымо объект- влак кодшо курымысо 70-шо ийлаште чоҥалтыныт, 100 процентлан тоштемыныт. Кажне ийын 450 утла аварий лиеда. Тыге лавыра вӱд Юл эҥерыш логалеш. «60+» проект 2020-шо 2022-шо ийла марте ышталтын. Тудым шыҥдараш тӱшка роскотшо 390 миллион теҥге лийшаш. Тушечын 386 миллионжо- федерал окса. Чыла мероприятий электроэнергийлан роскотым иземдаш, вӱдым аныклаш, аварий пашалан оксам шагалрак кучылташ, ЖКХ тарифлан регулироватлыме тарифым ышташ полшышаш. «60+» проект моло калыкле проект- влак дене пырля шыҥдаралташ тӱналеш.

Прошлые выпуски