Республикысе самодеятельный хореографий ансамбль- влак шкешт дене палдарен кертыт
Республикысе самодеятельный хореографий ансамбль- влак шкешт дене палдарен кертыт. ЮНЕСКО-н куштымаш шотышто Тӱнямбал советше республикысе ансамбль-влакым кугу конкурс проектлашке ушнаш ӱжеш. Республикысе тӱвыра министерствын уверже почеш 27-30 мартыште, 9-12-шо апрельыште да 3-6-шо майыште «Танцемания» Тӱнямбал хореографий конкурсын Гран-При йыжыҥже- влак эртат. 27-ше гыч 30-шо апрель марте Москошто Мариус Петипа лӱмеш хореографий конкурс лиеш. Июньышто «Танцемания» конкурсын Гран-При йыжыҥже- влакын финалже эрта. Июльышто да декабрьыше Российысе да СНГ элласе калыкле тӱвыран фестивальже лийшаш. Декабрьыштак Тӱнямбал да Россий кӱкшытан хореографий конкурс да фестиваль- влакын лауреатыштын «Щелкунчик» калыкле премийже эрта. Проектлашке Российын чыла кундемже гыч 700 утла самодеятельный ансамбль ушнышаш улыт.
