Республикыштына чодыра пожарлан шарлаш эрыкым огыт пу
Республикыштына чодыра пожарлан шарлаш эрыкым огыт пу. Тул пижме лӱдыкшӧ тургым тӱҥалме годсек кундемыштына 29 гана тул пижмым палемдыме: 26-шо чодыра фондышто, кумытшо- оборна да «Марий Чодыра» парк кундемыште. Тул 11 гектар наре кумдыклан эҥгекым конден. Чодыра пожарын чотшо дене Звенигово район ончылно кая-9, Юриныште- 6, Медведевыште -4, Советскийыште-3, моло верыште икте-кокыт гыч. Кум гана веле тул волгенчылан кӧра пижын. Молыжлан айдемыт титакше амалым пуэн. Кодшо ийын тиде жаплан 38 гана тул пижын ыле да 57 утла гектарын авалтен.
