Йошкар-Олаште видеоэскерыме камеран 60 чарналтышым вераҥдат
Йошкар-Олаште видеоэскерыме камеран 60 чарналтышым вераҥдат,- увертара ола администраций. Тыште чарналтыш павильон- влакым уэмдыме кугу программе умбакыже шуйна. Тений транспорт министерствын полшымыжо дене 60 у конструкцийым вераҥдаш палемдыме. Июньышто у павильон- влакым Сидоровышто, Кокшайск проездыште, Кокымшо Депо уремыште, Кокымшо ТЭЦ, Чигашево, «Юбилейный» микрорайонышто ыштыме.
У объект- влакын тӱжвал тӱсыштым арален кодаш манын администраций вандал да закондымын рекламе увертарымашым вераҥдыше- влак дене кучедалаш шона. Нарушитель- влакым вашке гына пален налаш манын павильонлаште видеоэскерыме камере- влакым вераҥдат. Мэрийыште палемдат: коммунал службо возгалымым кораҥдаш шуко вийым пытара, но пеҥгыде клей да чия шке кышаштым садак кодат. Варарак видеоэскерыме системе- влак моло чарналтышлаштат лийыт. Ола погым начаремдымылан административно мутым кучаш шогалтыман. Тӱзландарыме правил дене келшышын, шкевуя возгалаш, сӱретлаш, увертарымаш кагаз- влакым пижыктылаш йӧршынат ок лий. Правилым пудыртымылан штрафым тӱлыктат. Оласе йӧнан кумдыкым ыштыше еҥ- влакын пашаштым аклаш ӱжыт.
Фото: Йошкар-Ола администраций.
У объект- влакын тӱжвал тӱсыштым арален кодаш манын администраций вандал да закондымын рекламе увертарымашым вераҥдыше- влак дене кучедалаш шона. Нарушитель- влакым вашке гына пален налаш манын павильонлаште видеоэскерыме камере- влакым вераҥдат. Мэрийыште палемдат: коммунал службо возгалымым кораҥдаш шуко вийым пытара, но пеҥгыде клей да чия шке кышаштым садак кодат. Варарак видеоэскерыме системе- влак моло чарналтышлаштат лийыт. Ола погым начаремдымылан административно мутым кучаш шогалтыман. Тӱзландарыме правил дене келшышын, шкевуя возгалаш, сӱретлаш, увертарымаш кагаз- влакым пижыктылаш йӧршынат ок лий. Правилым пудыртымылан штрафым тӱлыктат. Оласе йӧнан кумдыкым ыштыше еҥ- влакын пашаштым аклаш ӱжыт.
Фото: Йошкар-Ола администраций.
