Республикына промышленный сатум йот элыш шукырак колташ тӱналеш

Республикына промышленный сатум йот элыш шукырак колташ тӱналеш
Республикына калыкле проектлан кӧра, промышленный сатум йот элыш шукырак колташ да тӱнямбал кооперацийым вияҥдаш тӱналеш. Каласыме ыле: президентын кӱлешан отрасль- влакым писын вияҥдыме шотышто темлыме калыкле проект- влакым шыҥдарыме шотышто республикыште кугу паша ышталтеш. Тыгаяк сомыл «Тӱнямбал коопераций да экспорт» проект радамыштат вуча. Тудын ик ужашыже семын «Промышленный экспорт» регионысо проект шотлалтеш. Тудо компьютерым, электрон да оптик сатум ыштыме, химический веществам да продуктым, эмым да медицина кӱлешлыклан материалым, кӱртньӧ изделийым, машинам да оборудованийым лукмо йодыш дене кылдалтын. Регионысо проектыш промышленный экспортым вияҥдыме раш корно- влакым пуртымо. Тудыжо элыште лукмо сатум тӱнямбалне таҥасен кертшым ышташ пеҥгыде задачым шында. Проектлан окса организаций- влаклан льготан кредитым пуымо дене ситаралтшаш. Тидлан Росссийысе Минпромторг дене соглашенийым ыштыме. Республикылан Марий Элыште экспортым вияҥдаш сай йӧным ышташ кумда стратегийым ыштыман, кажне ийын экспорт куатым вияҥдыме планым чумырыман, регионысо компаний- влаклан тӱҥямбал рынкыш лекташ полшыман. Тиддеч посна Республикым вуйлатыше пелен Экспорт совет ышталтеш. Кызыт экспортёр-влаклан полшышо консультаций рӱдер- влак пашам ыштат. 2024-ше ий марте изи да кыдалаш бизнесыште  экспортёр компаний- влак 2018-ше ий дене таҥастарымаште кок пачаш ешаралтшаш улыт. Тунам 120 экспортёр лийын. Проект почеш республикысе вуйлатыше командым ыштыман да «Марий Элыште экспортым вияҥдымаш» проектым пеҥгыдемдыман. Марий Элын бизнесше Российыште да йот эллаште эртаралтше ончер ден ярминга, форум ден конференций, конгресс ден саммитлаш чолганрак ушнышаш. Регионысо проектым шыҥдараш республикын бюджетше 12 миллион наре теҥге оксам ойыра.

Прошлые выпуски