Республикын правительствыже кум ияш бюджетым сайлан шотлен

           Республикын правительствыже кум ияш бюджетым сайлан шотлен. Теҥгече Марий Элын Правительствыже «2023-шо ийлан да ончыкылык 2024-ше 2025-ше ий- влаклан республикын бюджетше нерген» законын проектшым да кум ийлан регионым социал-экономик велым вияҥдыме прогнозым сай манын палемден. Промышленность министрын пашажым шуктышо Станислав Крылов палемден: экономикын тӱҥ отрасльже- влак – промышленность да ял озанлыклан кӧра валовый продуктын кушмашыже вучалтеш. Чоҥымо комплексыштат шуктымо паша ешаралтшаш. Тудо социал кӱешан 40 объектым чоҥымо да пужен ыштыме, корным транспорт инфраструктурым, илыме вер да коммунал озанлыкым уэмдымылан кӧра лийшаш. Калыклан илыме верым ситарыме шотышто паша шукталтеш. Кум ий жапыште ик миллионат пеле квадрат метр кумдык илыме вер ыштен шукталтшаш. Экономически вияҥмаш министрын данныйже- влак республикысе бюджетым ыштыме негызыш возыныт.
               Финанс министр Алексей Торощин тӱҥ финанс документын раскот ужашыже- влак калыкле проект- влакым шыҥдарыме паша дене кылдалтыт манын палемден. Тичмаш налмаште бюджет социал корнан лиеш. Социал сферылан бюджетын 70 процентше кучылталтшаш.- каласен Алексей Торощин. Йӱла почеш мучашлан ЦУР-ым вуйлатыше Виктор Трифоновын докладшым колыштмо. Тудын мутшо почеш, эш шуко вуйшиймаш тӱшка транспорт дене кылдалтын. Оласе калык кастене да каныш кечылаште транспортын начар коштмыжлан вуйым шиеш. Республикым вуйлатыше Юрий Зайцеват тидым пеҥгыдемден каласен. Йошкар-Олан мэрже Евгений Масловлан тидын шотышто тӱткышым ойыраш темлен.
             Фото: Марий Элым вуйлатышын организаций да аналитик виктемже.

Прошлые выпуски