Йошкар-Ола администрацийыште виктарыше компанийлам да ТСЖ-м вуйлатыше- влак дене совещанийым эртарыме

Йошкар-Ола администрацийыште виктарыше компанийлам да ТСЖ-м вуйлатыше- влак дене совещанийым эртарыме
            Йошкар-Ола администрацийыште виктарыше компанийлам да ТСЖ-м вуйлатыше- влак дене арня еда лийше совещанийым эртарыме. Тӱҥ темыже кудывечылам эрыктыме, леведышла гыч лумым кораҥдыме да пурымо верлаште порядкым ыштыме дене кылдалтын. Мэрын алмаштышыже Глеб Безденежных палемден: илыме квартал коклаште паша ола ден коммунальщик- влакын пырля тыршымышт годым гына пайдалырак лиеш. Мом ышташ палемдалтеш?- График- влакым тӧр кондаш кӱлеш. Мутлан, квартал кокласе корнылан вуйын шогышо подрядчик- влак ден кудыечылан вуйын шогышо виктарыше компаний- влак вашла кутырен пашам ыштышаш улыт. Квартал кокласе корнылаште пашам ыштыше техникын маршрутышт ола администрацийын лаштыклаштыже ла сайлташте савыкталташ тӱҥалыт. А еҥ- влак техникын маршрутшым пален налмеке, шке транспортыштым жапыштыже кораҥден кертыт. Машина- влак пашалан чаракым огыт ыште гын, квартал кокласе корно да кудывече- влак писын да сайын эрыкталтыт. Мутлан, ик виктарыше компанийын ойлымыжо почеш, 380 пачеран, 11 подъездан пӧртын кудывечыжым кок шагатыште тӱрыс эрыктыме. Молан манаш гын, оза- влак машинаштым иканаште кораҥденыт. Тыге ик кудывечым писын эрыктымеке, моло адрес- влаклан жап шукырак кодын.
           Фото: Йошкар-Ола администраций.

Прошлые выпуски