Республикысе автодорожный техникум ойыртемалтше туныктымо модельыш куснен

Республикысе автодорожный техникум ойыртемалтше туныктымо модельыш куснен
        Республикысе автодорожный техникум ойыртемалтше туныктымо модельыш куснен. Кажне выпускник тӱҥ специальность дене пырля кок-кум ешартыш профессийым налеш. Студент- влаклан стажировкым эрташ да варажым выпускник- влаклан пашаш пураш республикысе 31 предприятий дене ойпидышым кылдыме. Транспорт отрасльлан кӱкшӧ квалификациян специалист- влакым ямдылаш «Профессионалитет» федерал проект почеш пӧлем ден тунемме корпус- влакым капитально олмыктымо. Тиде пашалан 123 миллион наре теҥгем колтымо. Эше 18 миллионат 400 тӱжем теҥгем тӱшкагудым олмыкташ пуымо. Тидыже 40 гыч 60 марте верым ешараш полшен. Транспорт отрасльын кластержын туныктымо да производство рӱдержым ышташ 2025-ше ийыште техникум федерал бюджет гыч 100 миллион да республикын бюджетше гыч 15 миллион теҥгем налын. Эше 31 миллион теҥгем партнёр организаций- влак пуэныт.
            Марий Элым вуйлатыше Юрий Зайцев уэмдыме автодорожный техникумыш миен, тунемше да туныктышо- влак дене мутланен, тунемме процессым кузе ямдылымым ончен. Тудо тунемме тӧнежым «вӱдышӧ предприятий- влаклан кызытсе жаплан келшыше кадрым таптыше апшаткудо» манын. Техникумын директоржо Ольга Ильина Марий Элым вуйлатышылан тунемме пособий- влакым налаш полшымылан тауштен. Кодшо ийын 490 тӱжем теҥгелан 455 у учебник толын. Тений эше 290 тӱжем теҥгелан тунемме пособийым кондышаш улыт,- каласен тудо. Техникум негызеш идалык еда 500 утла еҥ профессисонал ямдылалтмашым да уэш ямдылалтмашым эрта. Посна тӱткыш школышто тунемше- влакын профориентацийыштлан ойыралтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски