Партий десантше Токтайбеляк селаште школым капитально олмыктымо пашан кузе кайымыжым терген

Партий десантше Токтайбеляк селаште школым капитально олмыктымо пашан кузе кайымыжым терген
             «Единый Российын» партий десантше Токтайбеляк селаште школым капитально олмыктымо пашан кузе кайымыжым терген. «Самырык тукым да йоча- влак» калыкле проект да «У школ» партий проект кышкарыште Куженер районысо Токтайбеляк селаште тений январьыште тӱҥ школым капитально олмыкташ тӱҥалме. Тиде пашалан бюджет гыч 48 миллион утла теҥгем ойырымо. «Партий десантын» чолга еҥже- влак верышке лектын олмыктымо пашам онченыт. Кызыт тушто отделка паша кая: пырдыжым шпаклеватлат, плиткам оптат. Олмыктымо паша кышкарыште класс, кочмывер, кухньо пӧлемлам, санузелым, тошкалтыш площадкылам тӱрысынек ачалат. Тыгак вӱдпуч, южтарыме, ырыктыме, канализаций, электротул системым уэмдат. Лӱдыкшыдымылыклан посна тӱткыш ойыралтеш: у увертарыше системым шындат, тошто пожар сигнализацийым вашалтат. Тиддеч посна пӧртӧнчылым олмыктат, омса ден окна- вакым вашталтат. Пашам тӱрысынек икымше августлан мучашлышаш улыт. Туныктышо ден тунемше- влакым жаплан верысе йоча сад зданиеш вераҥдыме. Нуно кӱлешлыкым умылат. Вет у тунемме ийлан нуно уэмдыме зданийыш пӧртылыт.
           Фото: «Единый Россий».

Прошлые выпуски