Марий Элыште шӱк-куштырам ойыркалыше у станцийым чоҥат

Марий Элыште шӱк-куштырам ойыркалыше у станцийым чоҥат
           Марий Элыште шӱк-куштырам ойыркалыше у станцийым чоҥат. «Экологий» калыкле проект кышкарыште куштыра дене ыштыме паша реформым шыҥдарыме кышкарыште инфраструктура объект- влакым чоҥымо кугу паша тӱналеш. Угарман олаште Россий правительстве вуйлатышын алмаштышыже Дмитрий Патрушевын эртарыме совещанийыште куштырам ойыркалыше кум комплексым Марий Элыште чоҥымо нерген увертарыме. Каҥашымашыште Республикым вуйлаыше Юрий Зайцевын кӱштымыжӧ почеш правительстве вуйлатышын икымше алмаштышыже Дмитрий Троицкий участвоватлен.
            Эн кугу комплексше Йошкар-Олаште лиеш. Тудо талукышто 100 тӱжем тонн пеҥгыде шӱкшакым обрабатыватлен кертеш. Эше кок станцийже районлаште чоҥалтыт. Шернур посёлкышто 20 тӱжем тоннлан, Волжск округышто 300 тӱжем тоннлан келыштаралтыт. Но кучем ойыркалыме дене гына ок серлаге. Стратегийын тӱҥ ужашыжлан органике куштырам компостироватлыме объектым чоҥымаш шотлалтеш. Талукышто 60 тӱжем тонным обрабатыватлен кертше куатан предприятий органикым лӱдыкшыдымӧ технический грунтыш перерабатыватлен кертеш. Тидыже полигоныш шагалрак шупшыкташ да экологий обстановкым саемдаш полша.
              Фото freepik.com

Прошлые выпуски