Икымше март гыч автобус ден троллейбуслаште коштмылан ак вашталтеш
Йошкар-Олаште икымше март гыч автобус ден троллейбуслаште коштмылан ак вашталтеш. Тидын шотышто пунчалым Правительстве председательын пашажым шуктышо Евгений Курмаев пеҥгыдемден. Карте дене тӱлымӧ годымат, оксам луктын пуымо годымат шукырак тӱлыман лиеш. Карте дене 39 теҥге олмеш 42 теҥгем тӱлыман. Окса дене пуымо годым 42 теҥге олмеш 43 теҥгем тӱлыман лиеш. Документыште проезд билет- влакын акыштымат ончыктымо. Кажне кечын кудалыштше-влаклан лимитдыме тариф темлалтеш. Ик транспортышто- троллейбус але автобусышто кеч- мыняр гана каяш кок тӱжемат 150 теҥгем тӱлыман. Кок тӱрлӧ транспортланат- автобус ден троллейбуслан ик проезднойым налаш гын, кум тӱжемат 200 теҥге лиеш. Шагалрак коштшо- влаклан мыняр гана кайышашым шотлен билетым налаш лиеш: 20 гана каяшлан 780 теҥгем шога, 40 гана каяш- ик тӱжемат 510 теҥге, 60 гана каяш- кок тӱжемат 150 теҥге. Тиддеч посна 100 гана каяш билетым налаш йӧн уло. Тудын дене кум тылзе кошташ лиеш, акше кум тӱжемат 700 теҥге лиеш.
Фото: Павел Стариков.
Фото: Павел Стариков.
