Пиалан ача-ава- влак Йошкар-Оласе Перинатал рӱдер гыч шымше йоча дене каеныт
Пиалан ача-ава- влак Йошкар-Оласе Перинатал рӱдер гыч шымше йоча дене каеныт. Кызыт кугу ешан лияш модно маныт. Ешаште йоча воштылмо йӱк шокта гын тиде чынжымак пиал. Утларак да утларак ача-ава- влак кугу еш нерген шоналат. Кодшо арнян тыгай еш Перинатал рӱдер гыч пӧртылын. Рӱдерыште ойлымо почеш шуко шочшан Елизаветан шымше азаже шочын. Кызыт ешыште кок ӱдыр да вич эрге кушкыт. Нлизаветалан 36 ий, ятыр ий медициныште пашам ыштен. Пелашыже да икшывышт дене нуно Йошкар-Олаште илат. Ава пидаш да кочкаш шолташ йӧрата. Тудо икшывыштын мом ышташ йӧратымышт негенат каласкала. Нуно теле спортым йӧратат, вара чылан пырля аван кӱэштме тыгыде когыльым йӧратен кочкыт. Мӧҥгыштышт эше пырыс ден черепаха улыт.
Фото: Перинатал рӱдер.
Фото: Перинатал рӱдер.
