Республикысе клинический онкологий диспансер негызеш радионуклид диагностике пӧлкам ыштыме

Республикысе клинический онкологий диспансер негызеш радионуклид диагностике пӧлкам ыштыме
               Республикысе клинический онкологий диспансер негызеш радионуклид диагностике пӧлкам ыштыме. Теҥгече Марий Элым вуйлатыше Юрий Зайцев тушко миен. Пӧлкам почашлан 2020-шо гыч 2023-шо ий марте федерал да республикысе бюджетла да обязательный медицина страхований фонд гыч 110 миллион теҥгем ойырымо. Тушечын 13 миллион теҥгежым олмыктымо пашалан да 95 миллион утла теҥгежым медицина оборудованийым налаш колтымо, Радионуклид диагностике пӧлка ик кечыште 12-16 еҥым колтен кертеш. Юрий Зайцев у оборудованийым шындыман диагностике да радиотерапий пӧлкам ончен лектын. Тыгай пӧлкам ыштымаш айдеме организмын чыла орган ден системыжым шымлаш полша. Онкологий черым рашемдыме шотышто диагностике пашан качествыжым кугемдаш полша. Тиде объект республикылан пеш кӱлешан. Молан манаш гын онкологий черым ончылгоч пален налмаш кӱлешан паша. Тудым эр пален налмаш, шукыжо годым тудым эмлаш йӧным ышта,- каласен республикым вуйлатыше. Пӧлкам почмо дене республикысе калык вес верыш кайыде, ОМС полис дене, оксам тӱлыде шымлымашым эртен кертеш. Лицензийым налмеке, пӧлка пациент- влакым приниматлаш тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски