Марий паркым тӱзландарыме кокымшо йыжыҥыште Чечня гыч подрядчик пашам ышташ тӱҥалеш

Марий паркым тӱзландарыме кокымшо йыжыҥыште Чечня гыч подрядчик пашам ышташ тӱҥалеш
                Марий паркым тӱзландарыме кокымшо йыжыҥыште Чечня гыч подрядчик пашам ышташ тӱҥалеш. Проект кок ужаш дене шыҥдаралтеш. Кодшо ийын газон ден йолешке корно- влакым ыштыме, калыкле стиль дене изи архитектур формо- влакым да пурымо верым вераҥдыме, каныме зоным ыштыме да самырык пушеҥге- влакым вераҥдыме. Тидым «Город» МУП ыштен. Тений мероприятийлам эртараш трибуно, йоча площадке, марий кудо  шочшаш улыт. Йошкар-Ола мэрийыште подрядчик дене пашаче планёркым эртарыме. «Мегастройсервис» иземдыме ответственностян ушемын еҥже каласкален: кӱлеш материалым, электрикым, посна элемент- влакым налаш тӱҥалме. «Муниципал заказ дирекций» ден «Мегастройсервис» ушем коклаште 29 миллионат 941 тӱжем теҥгелан контрактым ыштыме. Пашам шуктымо жапше : икымше март гыч 31-ше июль марте. «Мегастройсервис» компанийым 2016-шо ийыште Чечня республикысе Грозный олаште регистрироватлыме. Тудо тӱҥ шотышто тӱрлӧ чоҥымо- монтаж пашам шукта. Учредитель ден директоржо Адам Алхастов.
           Фото: Августа Романова.

Прошлые выпуски