Марий Элыште Российысе студент отряд- влакын кечыштым палемдыме
Марий Элыште Российысе студент отряд- влакын кечыштым палемдыме. Юлтехыште тиде кечылан пӧлеклатше пайрем мероприятий- влак эртеныт. Тиде ий лӱмгече идалыклан шотлалтеш- Российысе студент отряд толкынлан 65 ий темеш. Республикым вуйлатышын кӱштымыжӧ почеш, торжественный программыште Правительстве председательын алмаштышыже- тӱвыра министр Константин Иванов участвоватлен. Кызыт республикысе боец- влак 20 отряд кышкарыште тӱрлӧ направлений дене Республикыште гына огыл, Краснодар крайысе, Крым ден Татарстан республикылаште, Камчатке крайыште, Моско ден Санкт-Петербургышто, Адлер, Новый Уренгойысо вӱдышӧ объектлаште пашам ыштат,- каласен Константин Иванов. Тидымат ешарен: окса полыш семын идалык еда студент отряд- влакым вияҥдаш республикын бюджетше гыч миллион теҥге окса ойыралтеш. Эше палемдыме: студент отрядлаште участвоватлымаш ешартыш пашаче профессийым налаш, россий кӱкшытан мероприятийлаште- слётышто, форумлаште, тунемме семинарлаште, конкурслаште лияш йӧным пуа.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
