Йошкар-Олаште Афганистан гыч Совет войскам лукмылан 35 ий теммылан пӧлеклалтше шарнымашан мероприятий- влак эртеныт

Йошкар-Олаште Афганистан гыч Совет войскам лукмылан 35 ий теммылан пӧлеклалтше шарнымашан мероприятий- влак эртеныт
              Йошкар-Олаште Афганистан гыч Совет войскам лукмылан 35 ий теммылан пӧлеклалтше шарнымашан мероприятий- влак эртеныт. Тушто Марий Эл Правительстве председательын икымше алмаштышыже Михаил Васютин участвоватлен. Тудо Республикым вуйлатыше Юрий Зайцевын лӱмжӧ дене ветеран да воин- интернационалист- влакын родо-тукымыштым саламлен. Афганистаныште сар 9 ият ик тылзе да 18 кече шуйнен. Тудын гоч пел миллион утла совет салтак ден офицер  эртеныт. Нунын коклаште Марий Элын кум тӱжем утла шочшыжо лийыныт, 73 еҥ вуйжым пыштен, кокытшо кызытат увер деч посна йомшылан шотлалтыт. Ме землякна- влакым нигунамат мондышаш огынал,- каласыме Юрий Зайцевын саламлымашыштыже. Кызытат мемнан военнослужащий- влак лӱмын эртарыме сар операцийыште Элнан интересшым аралат, афган герой- влакын патырлыкыштым шарнен шогат. Правительствым вуйлатышын икымше алмаштышыже тыгак элна деч ӧрдыжтӧ вуйым пыштыше землякна- влакым шарныме лӱмеш пеледыш аршашым пыштыме торжественный церемонийыште участвоватлен.
                 Фото: Марий Элым вуйлатышын  администрацийжын увер дене пашам ыштыше пӧлкаже. 

Прошлые выпуски