Марий Эл Правительствыште мобильный интернетын чӱчкыдын йӧрталтмыже нерген ойленыт
Марий Эл Правительствыште мобильный интернетын чӱчкыдын йӧрталтмыже нерген ойленыт. Республикысе цифран вияҥмаш министр Венедикт Суворов тиде ситуацийым тыге умылтара. Тиде Украине гыч пилотде чоҥештылше аппарат- влакын керылтме лӱдыкшышт дене кылдалтын. Ме чаланат мобильный интернетым жаплан йӧртымо дене ваш тӱкнышна. Чарымаш мемнан аралтышна да лӱдыкшыдымылыкна дене кылдалтын. Ме умылена: тиде пеш йӧнан огыл. Но тыгай мера- влак улшо лӱдыкшым кораҥдаш кӱлешан улыт.- каласен Суворов. Венедикт Декартович палемден: мобильный кыл БПЛА-м виктараш да координироватлаш кучылталтеш. Чарымаш тыныс калыкын илышыжлан лӱдыкшым кораҥдаш да тӱҥ инфраструктура объект- влакым тичмаш арален кодаш полшат. Министр чарыме жапыште стационар телефон але Вай-Фай сеть дене пайдаланаш темлен.
Фото: Архив.
Фото: Архив.
