Луымшо номеран школым олмыкташ Йошкар-Олан бюджетше гыч ешарен оксам ойырымо
Луымшо номеран школым олмыкташ Йошкар-Олан бюджетше гыч ешарен 26 миллионат 500 тӱжем теҥгем ойырымо. Тунемме тӧнежым «Самырык- влак да йоча-шамыч» калыкле проект кышкарыште ачалат. Тений индеш тунемме тӧнежын лу зданийжым уэмдат да кӱлеш дене пойдарат. Паша график почеш кая, кажне объектыште видеоэскерымаш пашам ышта, олмыктымо пашам ача-ава да мер штаб- влак эскерат,- палемден социал вотлаште Республикым вуйлатыше Юрий Зайцев. Олмыктымо- влак коклаште 10-шо номеран школат уло. Пашан акше 96 миллионат 600 тӱжем теҥге. Ешарен 26 миллионат пелым ойырымо. Тиде окса фасадым комыжлаш, школ кумдыкеш асфальтым шараш, у саварым ышташ кая.
Фото: Ю.Зайцевын ВК-же.
Фото: Ю.Зайцевын ВК-же.
