Республикысе кум кинозалым уэмдат

Республикысе кум кинозалым уэмдат
              Республикысе кум кинозалым Кинон федерал фондшын полшымо дене уэмдат. Кино фондын эртарыме ойырен налме конкурс почеш муниципал погышто улшо кинозал- влак полышым налыт. Нуно Морко, Шернур да Красногорский посёлкылаште верланеныт. Тӱвыра министерстве палемда: кинозал- влаклан «Тӱвыра» калыкле проект кышкарыште йӱк да мультимедий оборудований, киноэкран да кресле- влакым налыт. Тиде пашалан 27 миллион теҥгем ойырымо. Модернизироватлыме паша тений идалык мучашлан шукталтшаш. Кинозал- влакым модернизироватлыме программым Кино фонд 2015-ше ий годсе шыҥдара, а 2019-ше ий гыч «Тӱвыра» калыкле проект полшымо дене ышталтеш. Программын ыштыме жапыште элна мучко тӱжемат 300 кинозалым почмо. Тений 37 регионышто 93 кинозал полышым налеш.

Прошлые выпуски