Республикысе промышленный предприятий- влак «Россий- Ислам тӱня: КазанФорум» 14-ше Тӱнямбал экономик форумышто участвоватлат
Республикысе промышленный предприятий- влак «Россий- Ислам тӱня: КазанФорум» 14-ше Тӱнямбал экономик форумышто участвоватлат. Озаҥыште почылтшо форумышто вигак икмыняр предприятий республикым ончыкта. Нунын коклаште экологичный пӧртым, газ хроматографым, электроэнергетикылан у интеллектуал решенийым ыштыше, порошок металлургий да металлообработкылан, йоча модышлан продукцийым лукшо- влак улыт. Марий Элын делегацийжым Правительство председательын алмаштышыже Дмитрий Троицкий вуйлатен. Тудын мутшо почеш, Республикым вуйлатыше Юрий Зайцевын кӱштымыжӧ почеш тыгай кугу мероприятийыште участвоватлаш предприятий- влаклан чыла кӱлеш полышым пуымо. Республикын стендшым кугу кумыл дене ончат. Тидыже мемнан чын корнышто улмына нерген ойла, -каласен Дмитрий Троицкий. «Россий- Ислам тӱҥя: КазанФорум» форумышто 84 эл гыч 15 тӱжем еҥ участвоватла. Тудо Россий ден Ислам вашкыл Организацийыш пурышо элла коклаште ужалкалыме да экономик, шанче- техник, социал да тӱвыра кылым пеҥгыдемдаш манын эртаралтеш. Кодшо ийын Российын Президентше форумлан федерал статусым пуымо шотышто темлымашым сайлан шотлен ыле.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
