Республикыште 25 меҥге кужыт федерал автокорным уэмдыме

      Республикысе корно пашаеҥ- влак 25 меҥге кужыт федерал автокорным уэмденыт. Олмыктымо паша Медведево да Звенигово районлаште ышталтын. «Йошкар-Ола- Зеленодольск» корнын кум ужашыштыже, чылаже 17 меҥге кужытышто, корнын ӱмбал шартышыжым уэмдыме. Куяр посёлкым савырнен кайыме верыште пеҥгыде шартышым ешареныт. Корта ял воктене кок меҥгыште, Кожласола ден Красногорский посёлко воктене куд меҥге кужытышто тыгыде кӱан да мастикан асфальтобетоным шарыме. Тидын годымак корно тӱрым пеҥгыдемдыме, разметкым ыштыме. «Вятка» кугорнын 7 меҥге кужытыштыжо асфальтыште шелше- влакым кораҥденыт.
         Тений «Волго-Вятскуправтодор» предприятийын заказше почеш федерал корнын 30 меҥге утла кужытшым норматив марте шуктымо.

Прошлые выпуски