Кӱчык жапыште пашам кычалше 245 еҥлан верым муын пуымо

      Республикыштына кӱчык жапыште пашам кычалше 245 еҥлан верым муын пуымо. Марий Элысе пашавер департаментыште ойлымо почеш, паша рынкыште нелылыкым иземдаш манын, ешартыш мероприятий- влак шындаралтыт. 
          Кужу жап шуйнышо самоизоляций, тора гыч пашам ыштымаш, предприятий-влакын жаплан петыралтмышт паша рынкылан эҥгекым ыштыде коден огытыл. Но шуктымо икмыняр мероприятийлан кӧра, нелылыкым изиш кораҥдыме. Мутлан, пашам кычалше да пашадыме еҥ- влаклан тӱшка пашам ямдылыме, паша гыч еҥ- влакым колташ ямдылалтше организацийлаште тыршыше- влаклан жаплан пашаверым ыштыме. Тидын годымак пашам пуышо- влаклан налме еҥлан пашадарым тӱлымыштлан оксам пӧртылташ эн изи пашадар кугыт (12 тӱжемат 130 теҥге) окса пӧртылталтеш. Субсидий правительствын пунчалже почеш пуалтеш. Нине йӧн дене пайдаланаш пашавер рӱдерыш мийыман. Шуко еҥлан полышым пуымо. Мутлан, тӱшка пашашке 245 еҥым, жаплан пашаверыш 214 еҥым налме.

Прошлые выпуски