Ырыктыме тургымын кузе кайымыжым прокуратура терга
Олтымо тургымым эртарыме жапыште законын йодмыжым кузе шуктымым прокуратура терга. Олтымо тургым дене кылдалтше йодышым писын виктарен колташ да сай качестван коммунал полышым налаш правам эскерыме шотышто республикысе прокуратурышто 26-шо гыч 30-шо октябрь марте «шокшо линийым» ыштыме. Тудын дене илыме верыште, социал объектлаште шокшо уке нерген, качественно шокшым пуымо, пуч шӱтлымӧ, шуко пачеран пӧртлам олтымо тургымлан сайын огыл ямдылыме нерген увертараш лиеш. Телефон дене йодышым 9 гыч 18 шагат марте прокурорын икымше алмаштышыже Дмитрий Талипов колыштеш, номерже: 68-71-50; пӧлкам вуйлатышын сомылжым шуктышо Сергей Янгабышев вашешта, номерже 68-71-35; ӱшан телефон: 45-09-57 сутка мучко пашам ышта.
