Республикыште ай-Ти отрасльым вияҥдыме шотышто советым ыштат

             Марий Элым вуйлатышын сомылыжым шуктышын решенийже почеш республикыште ай-Ти отрасльым вияҥдыме шотышто советым ыштат. Тудым республикым вуйлатыше вуйлаташ тӱналеш. Тиддеч посна Ай-Ти индустрийым ончылтен вияҥдыме стратегийым ямдылаш шонат. Тыгай пунчалым Юрий Зайцев ай-ти компанийлам вуйлатыше- влак дене вашлийме деч вара луктын. Вашлиймаш увер технологий рынкын ик эн кугу участникше Айсприҥ компанийын офисыштыже эртен. Погынышо- влак отрасль ончылно шогышо тӱҥ задаче- влакым каҥашеныт. Юрий Зайцев палемден: ай-ти индустрий республикысе экономикын флагманже улеш. Тудо элысе промышленностьым ончылгоч вияҥдаш йӧным ышта. Тений мартыште Марий Элыште «Российын радиоэлектронике кластерже» проектым шыҥдараш 18 миллиардат 400 миллион теҥгем ойырымо ыле. Тиде йотэл микроэлектронике рынке деч шогаш огыл манын ыштыме проектын пел акше. Йошкар-Олаште «ПС Софт» ассоциацийым ыштыме. Тушко 7 компаний пура. Нуным вуйлатыше- влак ай-ти индустрийым вияҥдаш Марий Эл келшыше регион манын палемденыт. Но виктарен колтышаш икмыняр йодыш уло. Иктыже- кадрым ямдылымаш. Айсприҥ компангийым негызлыше да вуйлатыше Юрий Усков кӱкшӧ квалификациян кадрым ямдылымашым шке ӱмбакыже налын. Погынышо- влак тыгак ай-ти технологий аланыште специалист- влаклан грант полышым пуымо йодышым пуэныт. Марий Элым вуйлатышын сомылжым шуктышо тиде пашалан республикын бюджетше гыч оксам ойырымо йодышым ончен лекташ сӧрен.
             Фото: Марий Элым вуйлатышын организаций да аналитик виктемже.

Прошлые выпуски