Республикыштына экстремизм шотышто оперативный обстановка лӱдыкшым ок лук
Республикыштына экстремизм шотышто оперативный обстановка лӱдыкшым ок лук да тудым эл кӧргӧ паша орган- влак контрольышто кучат. Марий Элысе Кугыжаныш калыкле политике концепцийым шыҥдарыме шотышто Правительстве комиссийын заседанийжым Республикым вуйлатыше Юрий Зайцев эртарен. Тудо палемден: каҥашыме йодыш- влак элысе событий- влакым да лӱмын эртарыме сар операцийым шотыш налын поснак пӱсӧ улыт. Чаманаш логалеш, мемнан Регонышкат шыҥен пурышо экстремист шонымаш- влак тургыжландарыше ситуацийым луктын кертыт,- каласен Юрий Зайцев. Самырык тукым коклаште Националист идеологий да экстремист шонымашлан шарлаш чаракым ыштыме нерген МВД-н эскстремизм ваштареш шогымо шотышто рӱдержым вуйлатышын пашажым шуктышо Ильнар Сайпулов ойлен. Республикыште тидын шотышто оперативный обстановка тӧр улеш да эл кӧргӧ паша орган- влак тудым контрольышто кучат. Калык да конфессий кокласе конфликтым, тӱшка беспорядкым тений регистрироватлыме огыл, - каласен тудо. Мучашлан Юрий Зайцев профилактике да шижтарыме шотышто мероприятий- влакым эртарымашын кӱлешлыкшым палемден.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
