Марий Элым вуйлатыше Интеллектуал Олимпиадыште сеҥыше да наставникыштлан грантым кучыктен
Марий Элым вуйлатыше Юл кундем округын тунемше- влак коклаште Интеллектуал Олимпиадыштыже сеҥыше да наставникыштлан грантым кучыктен. Торжественный мероприятий Йошкар-Оласе Ломоносов лӱмеш лицейыште эртен. Марий Элым вуйлатыше олимпиаде толкынын сеҥымашыжлан пӧлеклалтше наградым кучыктымо церемонийым ямдылыше да уна- влаклан шке шомакшым каласен. - Тиде уш-акыл кучедалмаште сеҥышыш лекташ манын, тыланда шуко пашам ышташ логалын. Туныктышо- влаклан тауштымо шуэш. Нунын деч посна тунемше- влак огыт сеҥе ыле. Кеч-могай олимпиадыштат, спортыштат наставник, тренер кӱлеш. Марий Элым вуйлатыше ӱдыр-рвезе- влаклан шумо сеҥымашыште чарныде ончыко каяш тыланен. Мучашлан регионым вуйлатыше призер да наставникыштлан Правительствын грантшым кучыктен. Олимпиадын иктешлыже йыжыҥжын призёржо радамыш Политехник лицей-интернатыште тунемше Дамир Назмутдинов, Пушкин лӱмеш 4-ше гимназий гыч Валерия Аганина, «Канде кайык» гуманитар гимназий гыч Виктория Маклакова, 28-ше лицей гыч Анна Попова ден Софья Волкова пуреныт. Грантым нунын туныктышо-наставникыштланат кучыктымо: Оксана Тулюлюклан, Елизавета Уразаевалан, Ксения Ушаковалан, Татьяна Янаевалан, Елена Милютиналан, Марина Поспеловалан.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
