Марий Элым вуйлатыше регионым цифрыш кусарыме шотышто дизайн-сессийым эртарен
Марий Элым вуйлатыше регионым цифрыш кусарыме шотышто дизайн-сессийым эртарен. Сессийым Сбер ден республикын Правительствыже пырля эртареныт. Тудын пашаштыже министерствылам да районлам вуйлатыше- влак участвоватленыт. Юрий Зайцев палемден: искусственный интеллектым шыҥдарымаш экономикын чыла отрасльжымат, социал аланым, кугыжанышым виктарыме системымат авалтышаш. 2030-шо ий марте шукташлан тыгай задачым Владимир Путин увертарен. Искусственный интеллект вашке шуктышаш йодыш- влакым виктараш полша. Сбербанкын Марий Элысе пӧлкажым виктарыше Максим Бауковын мутшо почеш искусственный интеллектын технологийжым кучылтмаш элысе экономикылан кугу пайдам кондышаш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
