Волжск оласе рӱдӧ эмлыме верын сосудистый пӧлкаже у оборудованийым налын

Волжск оласе рӱдӧ эмлыме верын сосудистый пӧлкаже у оборудованийым налын
          Волжск оласе рӱдӧ эмлыме верын сосудистый пӧлкаже у оборудованийым налын. Тиде вуйдорыкыш вӱр начар толмо дене черланыше- влакын йолыштлан роботизироватлыме механотерапийым эртараш аппарат нерген ойлалтеш. Аппаратым шке элыштына лукмо, тудын акше 500 тӱжем утла теҥге. Начарын коштмаш- тиде инсульт деч вара эн чӱчкыдын вияҥше чер. Тудо илен кодшо 80 процент пациентын палемдалтеш, а 40 процентшын ӱмыр мучкылан кодеш. Волжскысо эмлыме верын сосудистый пӧлкаже гоч талукышто 500 утла пациент эрта. Нуно Волжский, Звенигово, Морко районла гыч толыт. У аппарат нунын кокла гыч ятыржылан инсульт деч вара вашкерак тӧрланаш полша. Волжскысо элыме вер деч посна Шернур рӱдӧ эмлыме верлан шодым искусственно южтарыше аппаратым кондымо. Кеҥежым Йошкар-Оласе эмлыме верлан операцийым ыштыме микроскопым кондышаш улыт.

Прошлые выпуски