Медведево ипподромышто Республике кӱкшытан Сабантуйым кумдан пайремлыме
Медведево ипподромышто Республике кӱкшытан Сабантуйым кумдан пайремлыме. Тушко тӱжем наре еҥ чумырген. Верысе калыкын да нунын унаштым Сабантуй дене Юий Зайцев саламлен. Тиде тошто годсо татар пайрем . Тудо мемнан республикыште 30 ий утла идалык еда пайремлалтеш. Мыланна «Сабантуй» кеҥеж тӱҥалме да шошо-ага паша мучашлалтме пайрем гына огыл. Тудын шуко значенийже уло, а кызыт поснак ойыртемалтше шонымашым налеш. Тыгай пайрем- влак- «Пеледыш пайрем», «Сабантуй», «Руш куэ» мемнам ушен шогат, республикыштына илыше калык- влакын келшымашыштым ончыктат, нуным ушен шога, - каласен Республикым вуйлатыше. Вара тудо кудо- влакым ончен савырнен, калык кидмастар сатум, ял озанлык производитель- влакын выставкыштым ончен, калыкле сийым тамлен, Марий Элым вуйлатышын Кубокшо верч имне дене таҥасымаште сеҥышылан наградым кучыктен. Татар тӱвыра рӱдерым вуйлатыше Ильгис Гайсин Юрий Зайцевлан татар тюбетейкым да Сабантуйын шарфшым- пайремын тӱҥ символжо- влакым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
