Йошкар-Олаште «Марий Теле» фестиваль тӱҥалеш
Йошкар-Олаште «Марий Теле» фестиваль тӱҥалеш. Тудо икымше декабрьыште тарвана да февраль мучаш марте шуйна. Мероприятий- влак тӱвыра, туныктыш, спорт тӧнежлаште шуматкечын да рушарнян эрташ тӱҥалыт. Фестиваль официально 6-шо декабрьыште Эрик Сапаев лӱмеш опера да балет театрыште почылтеш. Йӱштӧ Коча ден Лумӱдыр уэш Чавайн бульварыш, эҥер серыш лектыт. Ленин площадьыште ятыр мероприятий лиеш. 15-ше декабрьыште Йӱштӧ Коча- влакын Патриарший площадьыште таҥошкылмашышт лиеш. Коча- влак модыт, ТОС ден кудывече- влаклан У ий кожым пуэдат, вара шествий Чарла Кремльыш виктаралтеш, Тӱҥ площадьыште мучашлалтеш. 21-ше - 22-шо декабрьыште фестиваль Ешын талукшым петырымым палемда.
