Республикыштына кайык ден янлыкым шотлаш тӱҥалыт

                      Республикыштына кайык ден янлыкым шотлаш тӱҥалыт. Идалык еда Марий Эл кундемыште телымсе шотлымаш маршрут эртаралтеш. Пӱртӱс поянлык министерствын умылтарымыж почеш, тиде шотлымаш кундемыштына сонарлаш лийше мыняр кайык дене янлык улмым рашемдаш полша. Тыгак нунын чотышт жап эртыме шот дене кузе вашталтмыштым умылаш да районла мучко кузе вераҥмышытым палаш йӧным пуа. Нуным шотлымо кумдык кок тӱжемат 165 гектарыш погына. Тергашлан индеш тӱжемат 200 утла меҥгыш чумыргышо 527 маршрут ышталтеш. Тений телым шордым, мераҥым, луйым, рывыжым, шурмаҥшым, урым, пирым, йосым, мландылуйым, сузым, кӱдырым, музым, ирмузым шотлат. Тенийсе шымлымашым кодсо ийысе лектыш дене таҥастарен ончат да вашталтмым пален налыт.

Прошлые выпуски