Российын ял озанлык министрже Марий Элын агропромжым аклен

Российын ял озанлык министрже Марий Элын агропромжым аклен
             Российын ял озанлык министрже Марий Элын агропромжым аклен. Таче республикыш паша дене Российын ял озанлык министрже Дмитрий Патрушев толын. Тудо икмыняр предприятийте лийын да марий агропромын сеҥымашыжым аклен. Палемдыме: кодшо ийын республикысе аграрий- влак шӧрым, сырым, ушкал ӱйым, ложашым да киндым шукырак налыныт, утларак пырчым да саскам погеныт. «Акашевский» сурт-кайык фабрикыште тудо у репродукторым ончен. Тудлан кӧра фабрике йотэл деч шогаш ок тӱҥал. Урлыкаш муным шкаланже шке ситараш тӱҥалеш. Дмитрий Патрушев тыгак Йошкар-Ола шыл комбинат да «Шойбулак» племзаводын пашашт дене палыме лийын.
             Фото: Екатерина Самойлова.

Прошлые выпуски