Республикыштына СПИД-рӱдерын лабораторийжым уэмден пытарыме

Республикыштына СПИД-рӱдерын лабораторийжым уэмден пытарыме
            Республикыштына СПИД-рӱдерын лабораторийжым уэмден пытарыме. Теҥгече уэмдыме лабораторийым у оборудований дене кузе пойдарымым Марий Элым вуйлатыше Юрий Зайцев ончен лектын. Тӧнежын тӱҥ врачше Рафаэль Шигапов вуйлатышылан пӧлем- влакым ончыктен, уэмдымеке шочшо у йӧн- влак нерген каласкален. Уэмдымаш федерал окса кӱшеш 2021-ше ийыште тӱналын. 49 миллион теҥгелан у микробиологий оборудованийым налме, республикын оксаже дене 8 миллион теҥгелан магнит частицын процессоржым кондымо, эше республикын бюджетше гыч 17 миллион теҥге утлам пӧлемлам, южтарыме системым, пожар сигнализацийым, ырыктыме, вӱдым ситарыме, канализаций системым олмыкташ кучылтмо. Тазалыкаралтыш министр Марина Панькован мутшо почеш лабораторийын паша куатше ятырлан кушкын, пашам ышташ йӧн саемын, адакшым ковидлан кӧра специалист- влак кумшо ий сутка мучко пашам ыштат. Тиде- Юл кундем округышто ик эн куатан лабораторий. Ме чыла гаяк инфекцийым рашемден кертына, - каласен министр. Марий Элым вуйлатыше лабораторийын пашаеҥже- влаклан тыршен ыштымыштлан тауштен ойлен.

             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски