Школлаште туныктымо системым уэмдыме программым теният илышыш умбакыже шыҥдарат
Школлаште туныктымо системым уэмдыме программым теният илышыш умбакыже шыҥдарат. Республикылан тиде поснак кӱлешан программе. Молан манаш гын, мемнан дене ялласе школ ятыр уло. Нуным сайын олмыктымаш ялысе калыкым шкеж деке утларак шупшын шогаш йӧным ышта. Адакшым кажне йоча ялыште але олаште илымыжым ончыде, кызытсе жаплан келшыше да сай йӧнан верыште тунемшаш. Программын икымше йыжыҥже сайын мучашлалтын. Йоча- влаклан у спортзалым, у кабинетлам, класслам почмо, у оборудованийым, мебельым налме. Окнам вашталтыме, леведышым, шокшым пуышо сетьым олмыктымо, пырдыжым шокшемдыме деч вара вигак пайда шижалтеш: шокшо энергийым шагалрак кучылташ тӱҥалме. Капитально олмыктымо годым туныктышо, тунемше да ача-ава- влакын темлымашыштымат шотыш налыт. Школым уэмдыме йодышым каҥашымашке луктыт. Кажныже шке шонымашыжым каласа. Программе кышкарыште олмыктымо паша гына огыл, инфраструктурат, тунемме пособият уэмеш, туныктышо- влакын квалификацийыштат нӧлталтеш. Тиде паша теният умбакыже шуйна. Лу муниципал образованийыште 13 школым олмыкташ палемдыме. Тидлан 846 миллион теҥге окса ойыралтеш. А туныктымо да шуарыме ӱгзар да йӧн дене пойдараш 6 гыч 8 миллион утла теҥге марте оксам ойыраш палемдыме.
Фото: Туныктыш министерстве.
Фото: Туныктыш министерстве.
