Нефтьым перерабатыватлыше завод уэш пашажым тӱналын
Республикысе официальный интернет порталын увертарымыже почеш, панкрут радамыш лукмо кужу процедура деч вара нефтьым перерабатыватлыше завод уэш пашажым тӱналын. Кодшо идалык мучашыште панкрут торг кышкарыште Марий нефте перерабатыватлыше заводын пого комплексшым «Балчуг-Петролеум» российысе иземдыме ответственностян компаний налын. Тений визымше январьыште кужу жап яра шогымо деч вара заводым пашаш колтымо. А 9-ше январьыште икымше тӱшка продукцийым оптен колтымо. У озан планыштыже кӱрылтде ӱшанлын пашам ыштымаш да варажым нефтьым келгынрак перерабатыватлыме пашашке куснаш. Ушештарена: Марий НПЗ 25 ий наре ончыч пашам ышташ тӱналын, налогым тӱлышӧ ик кугу предприятий улмаш. Тудо талукышто ик миллионат 600 тӱжем тонн нефтьым перерабатыватлен, 10 утла тӱрлӧ нефтепродуктым луктын кертеш.
Фото: petrodigest.ru
Фото: petrodigest.ru
