Марий Элым вуйлатышын тӱналтышыже почеш ЛНР гыч тӱжемат 200 йоча У ий пӧлекым налын
Марий Элым вуйлатышын тӱналтышыже почеш ЛНР гыч тӱжемат 200 йоча У ий пӧлекым налын. Декабрьыште Марий Элым вуйлатыше Юрий Зайцев Луганск областьыш йоча- влаклан пӧлекым колташ задачым шынден ыле. Тудын кӱштымыжӧ почеш пӧлекым социал вияҥмаш министерстве наледен да намиен кучыктен. Пӧлек- влакым Новоайдарысе санаторный интернат-школыш, Перевальский коррекций школ-интернатыш да моло тӧнежлашке тулык да ача-аван полышыжо деч посна кодшо йоча- влаклан пуэдыме. У ий- юзо пайрем, йоча- влак пӧлек деч посна кодшаш огытыл. Пытартыш идалык Донбассысе йоча- влаклан куштылго ыш лий. Ме нунылан полшышаш улына. Кӧ погаш да жапыштыже намиен пуаш полшен, - чылаштлан тау. У ийыште нуным куандарен кертмылан моткоч куаненна, - каласен Юрий Зайцев.
